Føroyski strandflogbólturin hevur av álvara fingið seg royndan á hesum oyggjaleikunum. Umstøðurnar til at spæla strandflogbólt eru ikki av teimum bestu í Føroyum, og hetta er nakað sum hevur merkt føroysku leikararnir.
Tungi sandurin og nógvi hitin er ikki fyrimunur hjá teimum føroysku strandflogbóltsleikarunum, sum higartil hava tapt allar sínar dystir.
Tær føroysku kvinnurnar – møðgurnar báðar, Randi og Anna Larsen, spældu fyri løtu síðani móti Cayman oyggjunum, har tær taptu 2-0.
Randi og Anna Larsen spæla í kvøld seinasta dystin til oyggjaleikirnar. Dysturin hjá teimum í kvøld verður ímóti Saaremaa og byrjar klokkan 16:00.
Menninir, Jóhan Petur á Stongum og Ólavur Jensen, hava eisini tapt allar sínar dystir. Mánadagin vóru teir um reppi at vinna dystin móti Bermuda, sum teir tó taptu 2-1.
Menninir spæla í kvøld seinasta dystin til oyggjaleikir ímóti Isle of Man. Tann dysturin byrjar klokkan 18:00.
Úrslitini hjá kvinnunum higartil:
Føroyar-Jersey 0-2
Føroyar-Menorca 0-2
Føroyar-Gotland 0-2
Føroyar-Bermuda 0-2
Føroyar-Cayman Islands 0-2
Úrslitini hjá monnunum higartil:
Føroyar-Menorca 0-2
Føroyar-Saaremaa 0-2
Føroyar-Bermuda 1-2
Føroyar-Cayman Islands 0-2
Føroyar-Jersey 0-2
Føroyar-Gotland 0-2
