Rokið í Sjálvstýrisflokkinum
Í lesarabrøvum í bløðunum stuðla nevndarlimurin í Unga Sjálvstýrinum Dan Lamhauge og landsnevndin í Sjálvstýrisflokkinum formanninum Kára P. Højgaard. Hetta kemur aftan á, at fleiri fyrrverandi valevni hjá flokkinum sambært útvarpinum hava meldað seg úr flokkinum.
Sámal Petur í Grund sigur vegna Landsnevndina, at flokkurin eins og aðrir flokkar letur limir vera frítt stillaðir at atkvøða eftir síni egnu sannføring í viðkvæmum málum sum hesum. Tí skal eg vegna landsnevnd floksins og samsvarandi landsfundi floksins gera greitt, at vit ikki meta hetta vera eitt mál, sum floksstøða skal takast til , skrivar Sámal Petur Grund í lesarabrævi.
Dan Lamhauge nevndarlimur í Unga Sjálvstýrinum finst hvassliga at Carl August Arge og sigur Tað er ringur fuglur, sum drýtur í egið reiður. . Hann kallar hann fornermaðan, og vísir á, at sum fyrrverandi formaður í Suðurstreymoyar Sjálvstýrisfelag og limur í landsnevnd floksins kundi havt tikið hetta kjak upp í hesum samanhangum.
Hann vísir somuleiðis á at landsfundirnir hjá flokkinum í 2003 og 2004 snúðu seg stórt sæð ikki um annað enn moralskar spurningar.
