Hvørjar vónir hevur tú um, at Suðuroyggin fer at fáa fast samband við meginøkið?
- Eg ivist ikki í, at Suðuroyggjin fær fast samband við meginøkið.
Tað sigur Erhard Joensen, løgtingsmaður í Vági.
Hvønn týdning fer ein undirsjóvartunnil at hava fyri Suðuroynna?
- Suðuroyggin kemur ikki at mennast, sum restin av landinum, um eingin tunnil kemur, hvørki vinnuliga ella demografiskt.
Hvør verður framtíðin hjá Suðuroynni, um oyggin ikki fær fast samband við meginøkið?
- Tað verður serliga fólkasamansetingin, sum kemur at skeiklast skeivan veg her suðuri.
Hevur tú eitt boð uppá, nær ein undirsjóvartunnil undir Suðuroyarfirði kann gerast veruleiki?
- Eg vænti, at koyrandi verður millum Suðuroynna og Sandoynna innan 10 ár, sigur Erhard Joensen.
