Tórshavn aftur á jazz-heimskortið

Tá høvuðsstaður Føroya um miðjan oktober aftur verð­ur vertur fyri einum jazz­festivali, er tað fyrsta stig­ið til enn einaferð at gera Havnina til ein av týdn­ing­ar­mestu jazz-býunum í Norð­ur­ev­ropu.
70’ini og 80’ini vóru sonn gull­ár hjá føroyskum jazzi og Havn­ar Jazzfelag, sum tá var eitt av størstu jazz­fel­øg­u­num í Norð­­an­­lond­um. Heims­stjørn­ur­nar flokk­aðu­st tey árini um Havnina, sum flug­ur um ein suk­ur­mola. Millum onnur vitjaðu víð­a­gitni am­erik­anski ten­or­sax­o­fon­ist­ur­in Dex­ter Gor­don og a­mer­i­k­anski jazz­klav­er­leik­ar­in Kenny Drew her. Eitt heilt nýtt hugtak tók seg enn­tá upp tey árini, tá jazz-fjepp­arar í Havn heilt einfalt vórðu kallað »jazzarar«. Í 1984, nógv, nógv ár áðrenn nak­­ar bara hevði so mikið sum hugsað um Ó-, G- ella Summ­ar­fest­i­val­ar, varð Tórs­havn­ar Jazz­fest­i­val­ur stovn­að­ur, og er sostatt elsti fes­t­i­val­ur fyri rútmiskan tónleik í Føroyum.
Síðan 2003 hevur Tórs­havn­ar Jazzfestivalur havt ein steðg, men nú koma ís­lendsku jazzfunk-fusións-vet­ar­an­ar­nir í Mezz­o­forte og okkara egni Teitur at fáa Havn­ina at swinga aftur. Fyri jazz-feinschmeckarar er tó minst líka forvitnisligt at sleppa hoyra onki minni enn ein svensk­an jazzprofessara á før­oysk­ari grund! Talan er um gitna klaverleikaran Lars Jansson, sum í 1998 varð til­nevndur fyrsti jazz­pro­­fess­arin í Danmark. Lars Jansson Trio hevur 30 ár á baki og er eitt av kendastu jazznøvnunum í Norð­an­lond­um. Lars Jansson, sum er fødd­ur í 1951, fekk tokka til jazz í 60’unum tá hann fór at spæla jazz-urgu. Seinni fekk hann sær tónleikaútbúgving í Göt­e­borg og endaði síðani í Dan­mark.
Mezzoforte varð stovnað í 1977 – fyri 34 árum síðani. Kend­asta lagið hjá teimum er “Garden Party” frá 1983. Or­kest­­rið hevur verið virkið øll árini og í fjør kom teirra sein­asta studio-album »Volcanic«. Al­­bummið varð fagnað av LiveMusicGuide.com, sum m. a. skrivaði:
»Mezzoforte fær fjepp­ar­arn­ar at kenna seg nøgdar og vilja hava meir«, og »teir eru minst líka góðir, sum teir nakr­­antíð hava verið, um ikki betri«.
Teit­ur Lassen er størsta før­oyska tónleikanavn nakr­an­tíð – og hann leverar end­a­brest­in á Tórs­havn­ar Jazz­fest­i­vali. Enn­t­á við frum­fram­førsl­uni av sínum »Week­days«, ið er fyri kór og or­kest­ur og er í sjey pørt­um, eins og tað eru sjey vik­u­dagar. Verkið verður fram­ført í samstarvi við DR PigeKor, føroyska kórið Tariru og tónleikabólkin Ald­u­bár­una. Í sama viðfangi verð­ur »Jord­piger­nes drøm« hjá Sunleifi Ras­mus­sen frumframført.
Eisini føroyska 80’ara-ork­estr­ið Plúmm, ið spældi við donsku legenduni Holg­er Laumann, verður at hoyra á fest­i­val­i­num. Stóru kon­sert­ir­nar verða í Høllini í Norð­ur­landa­hús­i­num. Um­framt hettar fara jazz-til­tøk og workshops at vera aðr­a­staðni í høv­uðs­stað­num – í eitt nú Hvonn, SMS og Tutl-hand­l­i­num.
14. oktober: Lars Jansson Trio og Plúmm
15. oktober: Mezzoforte
16. oktober: Weekdays við Teitur