Liðin eru skjótt fimm ár síðani kirkjan varð vígd, og hesi árini hava verið
hildnar gudstænastur regluliga.
So líðandi eru eisini onnur tiltøk vorðin fastur táttur í kirkjuliga
arbeiðinum, so sum sunnudagsskúli, Vøggusangur, Andaktsløta og annað.
Á fundinum verður nærri greitt frá øllum hesum, og hvussu fíggjarstøðan er,
og hvørjar ætlanir liggja fyri framman í kirkjuni og kring um hana.
Ætlanin er somuleiðis at geva fólki høvið at seta fram spurningar í hesum
sambandi og annars skipa so fyri, at kirkjuráðið og kirkjufólkið kunnu hava
eina hugnaliga løtu saman.
Kirkjufundurin verður hildin í Hoyvíkar kirkju týsdagin 20. mars og byrjar
klokkan 19:30.
