Tað er klárt at halda býráðsval í Runavík

Klokkan 14 í dag fellir avgerðin um, hvørt ein kæra um umvalið í Runavíkar kommunu frá fimm býráðslimum í kommununi skal hava steðgandi virknað. Tí tá kemur dómarin við úrskúrði í málinum, sum var fyri í Føroya Rættinum týsdagin.

Tveir møguleikar eru, annar at umvalið verður avlýst, ella at avgerðin hjá Løgmálaráðnum um umval stendur við. Og so verður valið sum ætla nú týsdagin.

Vit hava spurt Tórbjørn Jacobsen, hvørjar vónir hann hevur, men hann sigur, at hann veit einki, men bíðar í spenningi.

Hann sigur eisini, at alt er fyrireikaið til valið, sum skal vera týsdagin, og okkurt graml frættist eisini um onkran veljararund.

Tað sermerkta við valinum er, at bara tey, sum stillaðu upp seinast, kunnu stilla upp, og bara tey, sum høvdu valrætt seinast, kunnu velja. Eisini tey, sum síðani eru flutt úr kommununi.

Hesi vórðu vald í býráðið 12. november í 2024:

Og hesi stillaðu upp á seinast – og bara hesi kunnu stilla uppaftur á umvalinum:

• Tórbjørn Jacobsen
• Jógvan Andersen
• Tóri Højgaard
• Pauli Poulsen
• Sigrun Jónsveinsdóttir
• John Andersen
• Arnfinn Langgaard
• Bogi Hansen
• Terje Beinar Vestergaard
• Jonhard Danielsen
• Petur Hansen