Seinnapartin í gjár hendi eitt ferðsluóhapp í Vágatunlinum, og hetta førdi til, at tunnilin var stongdur í ein tíma og fýra minuttir.
Sambært løgregluni varð ein bilur árendur av øðrum bili, sum kom aftanfyri, men tíbetur stóðst ikki álvarsligur fólkaskaði í óhappinum.
Vaktleiðarin á løgreglustøðini í Havn sigur í morgun, at eitt av fólkunum, sum gjørdist partur av óhappinum, varð flutt á Landssjúkrahúsið til kanningar.
- Annar av bilunum var ein el-bilur, og tá skulu serlig atlit takast til tað, sum gjørt verður á staðnum, sigur løgreglan, sum fegnast um, at alt spældi væl av.
Nú fleiri el-bilar eru á vegunum, er sambært løgregluni eisini neyðugt, at bjargingarfólk hava neyðugu førleikarnar at handfara slíkar hendingar.
