Tónleikatiltakið Við Brúnna verður leygardagin 11. Juli 2015.
Aftaná eitt væleydnað tónleikatiltak seinasta summar, boða fyriskipararnir frá, at Við Brúnna
verður aftur á skránni komandi summar. Eins og seinasta summar fara fleiri enn 15 føroyskir bólkar
og einstaklingar at framføra frá kl. 15 seinnapartin til kl. 3 um náttina. Livandi tónleikur verður
bæði á útipalli, í tjaldi og matsøla, dansur, barnaundirhald verður eisini á tiltakinum.
Málið er aftur
komandi summar at skapa eina góða uppliving, og eitt umhvørvi fyri bæði ung sum eldri, har
føroyskur tónleikur og hugni er í fokus. Arbeitt verður støðugt við at menna tiltakið og bjóða enn
fleiri tilboð til gestirnar komandi summar, siga stigtakararnir.
