Toyota Crown: Luksus bilur frá 1982

Bilurin er gingin í arv. Tað var Hjalmar Hvítklett í Sørvági, sum var upprunaligi eigarin og keypti bilin nýggjan í 1982.

Tá Hjalmar andaðist í 1987, yvirtók versonurin Ólavur Petersen í Sørvági bilin. Hann hevði bilin til 2016, tá sonurin Hjalmar Hvítklett yngri yvirtók bilin. Hjalmar býr í Havn, hann eigur og rekur fyritøkuna Ljóð-Tøkni, sum síðan 2001 hevur leigað út og selt útgerð til ljóð, ljós og vide­o­pre­sent­a­ti­ón­ir.

Mað­urin sum vís­ir okk­um bilin, er Ól­avur Hvít­klett, sonur yngra Hjalmar Hvít­klett.

Super Sal­oon útgávan av Toyota Crown var tann fínasta útgávan við t.d. automatisk gear, servostýring, air-condition, el-síðurútum, el-antennu og eitt lítið kølirúm til at køla drykkjuvørur. Hesin hevur 2.8 litra 6-syl. motor við 146 hk.

Bilurin varð total­ren­o­ver­að­ur í 1993 og er í dag er 43  ára gam­al. Toyota Crown vóru væl­kendir bilar í Før­oy­um. Teir fyrstu komu í 1964 og vórðu nógv brúktir sum hýruvognar og rut­ubilar.

Framleiðslan av Toyota í Japan byrjaði í 1936 við modell AA. Tað var Kiichiro Toyoda sum stovnaði Toyota Motor Corporation.

Søgan um Toyota í Føroyum byrjar í 1963, tá fyrsti Toyota Stout kom til Rósing Rasmussen í Runavík, sum var Toyota umboð í Føroyum.  Í 1964 komu Toyota Crown og Toyota Corona. Í 1966 kom fyrsti Toyota Corolla.

Fyrstu Toyota í Evropa komu fyrst til Danmarkar. Hetta var í 1963, og komu teir til Føroyar sama ár. Sølan gekk so væl, at í mai 1976 kom Toyota nummar 1.000 til Føroyar. Hetta var ein Toyota Crown 2600 Super Saloon. Í 1980 yvirtók Reyni Service umboðið fyri Toyota í Føroyum.

Toyota Crown hava verið fremleiddir síðan 1955. Teir verða tó ikki seldir her um okkara leiðir.

Hjalmar er limur í Føroya Ellisakførum, har hann hevur pláss til bilin í hølunum hjá felagnum  undir Gráasteini. Hann koyrir við bilinum til ymisk tiltøk hjá felagnum.

Hetta modellið av Toyota Crown varð framleitt frá 1979 til 1983.

##med2##

##med3##

##med4##

##med5##

##med6##

##med7##

##med8##

##med9##

##med10##

##med11##

##med12##

##med13##

##med14##

##med15##

##med16##

##med17##

##med18##

##med19##

##med20##

##med21##

##med22##

##med23##

##med24##

12.765 bilar í Føroyum í 1982

Tað vísa hagtølini hjá fúta-num við árslok í 1982. Tá eru 9.844 persónbilar, 2.185 last- og vøruvognar, 277 við-fest-is-vognar, 225 hýruvognar, 125 motorsúkklur og 79 bussar.

Tá Sterki Jákup fekk koyrikortið

Jákup bóndi í Klaksvík, oftast nevndur Sterki Jákup, skal taka koyrkort í Havn. Koyrt verður við lastbili, og politimeistarin Sundorph situr við síðuna av Jákupi. Nærindis bakaríið hjá Fossaa fer afturhjulið i veitina, ið er millum vegin og bakaríiið. Jákup hugsar lítla løtu – ferð seigliga úr bilinum, setur økslina undir lastina og lyftir bilin upp aftur – Sundorph er ivaleyst ovfarin um hetta, og Sterki Jákup fær koyrikortið.

Fínur bilur – og bilførarin í húðaskóm og føroyskari húgvu

Seinast í tríatiárunum kemur ein dani til Føroyar at verða leiðari á eini handilsfyritøku. Tá hesin danin kemur í land, sær hann, at føroyingar hava eins fínar bilar sum danskarar. Danin »preiar« ein av teimum nýggjastu vognunum, men verður sera bilsin, tí fyrst koma tvey bein í húðaskóm út og síðani førarin sjálvur í mórreyðari troyggju og føroyskari húgvu – hetta var nakað heilt óvæntað og ørðvísi enn í útlondum.

##med25##

##med26##

##med27##