- Kinesiski forsetin, Xi jinping, er ein ógvuliga harður samráðingarmaður, sum er trupul at gera avtalur við.
Tað viðgongur Donald Trump, forseti, samstundis sum hann ásannar, at honum dámar væl - og fer altíð at dáma - Xi.
Hetta skrivar hann á sínum egna miðli, Truth Social.
Fyrr í ár fór amerikanski forsetin í handilskríggj móti Kina og setti 145 prosent toll á innflutning úr landinum.
Kina svaraði aftur við 125 prosentum av tolli á amerikanskar vørur og fullkomnan steðg í útflutninginum av týðandi mineralum til USA.
Tíðindastovan NTB veit at siga, at londini í mai gjørdu eina avtalu um at lækka tollin í 90 dagar, men Trump hevur ákært Kina fyri at bróta sín part av avtaluni.
