Talan var um fyrsta dystin nakrantíð hjá Curacao í einum HM-endaspæli, og hóast lítla oyggjatjóðin úr Karibiska havinum tapti greitt, eydnaðist teimum at skriva søgu við einum máli.
Týskland legði seg á odda longu eftir seks minuttir við máli frá Felix Nmecha. Men eftir 21 minuttir kom stóra løtan hjá Curacao, tá Livano Comenencia javnaði til 1-1 við einum framúr langskoti, sum sendi fjeppararnar hjá teimum 150.000 íbúgvunum í ekstasu.
Týskland hevði tó greiða yvirvág og svaraði aftur undan steðginum. Nico Schlotterbeck skoraði til 2-1 eftir hornaspark, og Kai Havertz økti til 3-1 upp á brotsspark í yvirtíðini í fyrra hálvleiki.
Í seinna hálvleiki hevði týska liðið fullkomið tamarhald á dystinum. Jamal Musiala økti til 4-1, Nathaniel Brown gjørdi tað til 5-1, Deniz Undav skoraði til 6-1, og Kai Havertz staðfesti stórsigurin við sínum øðrum máli til 7-1.
Við sigrinum hevur Týskland fingið eina flúgvandi byrjan í bólkinum og er væl á veg móti víðari luttøku í kappingini.
Curacao eigur framvegis møguleika at vinna seg víðari, tá liðið skal spæla móti Ecuador og Fílabeinsstrondini í teimum báðum seinastu bólkadystunum.
Týskland-Curacao 7-1 (3-1)
1-0 Felix Nmecha ('6 )
1-1 Livano Comenencia ('21 )
2-1 Nico Schlotterbeck ('38 )
3-1 Kai Havertz, br. ('45+4)
4-1 Jamal Musiala ('47 )
5-1 Nathaniel Brown ('68 )
6-1 Deniz Undav ('78 )
7-1 Kai Havertz ('88 )
HER ber til at síggja hæddarpunktini frá dystinum.
##med2##
