U-19 genturnar í fótbólti taptu 5-1, tá ið tær leygardagin spældu vinardyst ímóti Íslandi í Hveragerði. Hálvleiksstøðan var 3-0. Fyrsta málið varð skorað í 27. minutti.
Í síðsta minutti pyntaðu Føroyar um, so úrslitið gjørdist 5-1. Føroyskur málskjútti var Fríðun Danielsen, sum umsetti brotsspark til mál. Dómarin hevði peikað á ellivu metra blettin, eftir at
Sofía Purkhús varð feld í brotsteiginum.
Seinnapartin í dag fara Ísland og Føroyar at spæla vinardyst í Þorlákshöfn.
Føroyska liðið: Olga F. Olsen (Jónfríð Hansen, 68. min.), Nelly Poulsen, Eina Kalsø, Tórhild Holm, Katharina Saxov (Vár Jenny Lydersen, 68.min), Kirstinbjørg Frederiksberg (Ása Thomsen, 62 min), Steintóra Joensen (Rannvá Jarnskorð, 86. min), Fríðrun Danielsen, Margit Magnussardóttir, Sofía Purkhús, Mona Breckman.
Á beinkinum uttan at koma inn: Sunneva Magnussen, Lisa í Liða og Helena Wardum.
