Føroyska U19-landsliðið fekk eina tunga byrjan upp á EM-undankappingini í Kroatia, har mótstøðuliðini eru Ísrael, Kroatia og Armenia.
Í dag møttu Føroyar Ísrael í tí fyrsta dystinum av trimum.
Føroysku U19-mennirnir máttu leggja rygg til eitt 0-6 stórtap. Í steðginum var Ísrael á odda 3-0.
Ísrael hevði 17 málroyndir, meðan føroyska liðið hevði fýra málroyndir, sambært hagtølunum.
Leygardagin klokkan 11.30 spæla Føroyar móti kroatisku vertunum. Kroatia vann fyrr í dag 2-1 (1-0) á Armenia.
Týsdagin klokkan 11.30 spæla Føroyar móti Armenia.
