Í gjár lótu tær báðar - Heidi Vestergaard og Krista Nielsen upp nýggjan mótahandil til kvinnur - Unik - í Bøkjarabrekku, har Madame L fyrr helt til.
Krista og Heidi eru báðar útbúgvnar sjúkrasystrar og arbeiða sum slíkar í løtuni. Men tær høvdu hug at royna okkurt annað.
? Vit byrjaðu fyrireikingarnar í januar og nú hava vit latið upp, so tað hevur gingið gott.
Vørurnar, sum verða at fáa í handlinum verða fyrst og fremst av merkinum InWear, sum er eitt kent danskt merki.
? Men vit fara eisini at selja onnur og bíligari merki, sigur Krista og heldur fram:
? So har verður okkurt til ein og hvønn.
Hvør skal so taka sær av handlinum?
? Heidi steðgar sum sjúkrasystir og tí verður tað hon sum dagliga kemur at taka sær av handlinum. Sjálv fari eg í fyrsta umfari at halda áfram við at arbeiða og so arbeiða her í frítíðini.
Hvussu hevur fyrsti dagurin gingið?
? Stak væl. Nógv fólk hava verið inni á gólvinum og vit hava eisini selt eitt sindur.
? Høvdu parkeringsumstøðurnar verið eitt sindur betri, so var als einki at finnast at, sigur hon
Upplatingartíðirnar hjá Unik eru mánadag til hósdag frá 9.00-17.30, fríggjadag frá 9.00-19.00 og leygardag frá klokkan 9.00 til 14.00.
