Í dag verða tveir dystir fyrstu dystirnir í 20. umfari í Betri deildini. NSÍ fær vitjan av EB/Streymi, meðan KÍ er gestur í Trongisvági. Á pappírinum eru gestirnir úr Klaksvík greiðir favorittar, men tvær ferðir í ár hevur TB givið júst klaksvíkingum skarpan gang. Tíðliga í kappingini fekk KÍ ikki avgerandi málið fyrr enn í yvirtíðini. Tá liðini møttust í Klaksvík mátti umstrítt brotsspark til, áðrenn TB fall.
Nú møtast liðini aftur og TB hevur leitað seg úr botninum, meðan KÍ nærkast oddinum. Heimaliðið hevur ávisar avbjóðingar, tí tvímálsskjúttin frá 3-0 sigrinum á Argjum, Filip Obadovic, er skaddur í fótinum. Tað sama er galdandi fyri Poul Ingason, sum hevur sitið uttanfyri í nakrar vikur og miðverjan Rasmus Møller. Tað verður avgerandi fyri heimaliðið, um teir fáa nakran av hesum tøkar.
Gestirinir eru uttan venjara á bonkinum. Mikkjal K. Thomassen hevur fingið bann, eftir at dómararnir tríggjar ferðir hava givið honum gult kort í ár. Annars eru allir spælarar tøkir. Fleiri nýggir fingu høvi at royna seg móti Skála týskvøldið, tá KÍ legði seg á odda í landskappingini við 1-0 sigri á Skála.
Við sigri í Trongisvági kann KÍ leggja seg á odda við fýra stigum, og samstundis leggja trýst á HB í oddastríðnum. Undan hesum umfarinum hevur KÍ spælt ein dyst fleiri enn HB.
Liðtíðindi:
TB:
Ikki við: Musah Armah (knæskaði, 1-2 mánaðir)
Ivasamir: Poul Ingason (fótskaði), Filip Obadovic (fótskaði), Rasmus Møller (fótskaði)
##med2##
KÍ:
Ikki við: Mikkjal K. Thomassen (bann, 3 gul kort)
Betri deildin menn 20. umfar:
Leygardagin:
TB-KÍ (15.00)
NSÍ-EB/Steymur (19.00) Beinleiðis á FM1
Sunnudagin:
B36-AB (14.00) Beinleiðis á FM1
Víkingur-Skála (15.00)
HB-ÍF (18.30) Beinleiðis á FM1
