Nú blot er komið í kavan, og nógv væta kemur oman úr hæddunum, hava eisini nøkur skalva-og skriðulop verið.
Í morgun visti løgreglan at siga um tvey slík lop - annað vestan fyri og hitt eystan fyri Leynatunnilin.
Í lopinum vestan fyri varð ein bilur raktur, sum var á veg inn í Leynatunnilin, og her brotnaði annar síðurúturin.
Eingin persónsskaði stóðst av hendingini.
Tíðliga seinnapartin visti løgreglan aftur at siga um nýggj lop.
##med2##
Annað var norðan fyri Effo-støðina í Kollafjarðardali - ella millum Effo og Mjáuvøtn, og hitt var í svinginum á Oyggjarvegnum og beint oman fyri Effo-støðina í Kollfjarðardali.
Eins og løgreglan, heitir Landsverk eisini á bilførarar, sum koyra eftir landsvegunum, har høgt er uppfyri, um at vísa størsta varsemi.
