Landsliðið hevur í dag havt sína aðru venjing í Portugal, undan dystinum hóskvøldið. Venjingin í dag var taktiskt og gav greiðar ábendingar um hvussu Lars Olsen ætlar at stilla upp.
Les eisini: Lars Olsen greiðir frá nýggju spælskipanini
Hann hevur boðað frá kollvelting í spælskipanini og tað sást aftur á venjingini. Liðið vandi fyri fyrstu ferð undir Lars Olsen við trimum í miðverjuni. Odmari Færø í høgru, Rógvi Baldvinsson í vinstru og Atla Gregersen í miðjuni.
Les eisini: Hallur Hansson ikki tøkur til Andorra
Á vongbakkunum vóru Jónas Tór Næs og Viljormur Davidsen. Mitt á miðjuni vóru René Shaki Joensen og Róaldur Jakobsen. Frammanfyri teir Sølvi Vatnhamar í høgru og Gilli Rólantsson í vinstru, meðan Jóan Símun Edmundsson var álopinum.
Les eisini: René glaður fyri Grindavík - ivasamur í morgin
Løtu seinni skifti hann manningina út og gav ábendingar um hvør er avloysari hvar. Her kom Hørður Askham inn sum vinstri miðverji, Karl Løkin og Eli F. Nielsen á miðjuna, Ári M. Jónsson á vinstra vongbakkin, meðan Kaj Leo í Bartalsstovu og Klæmint A. Olsen komu á framrættaðu miðvallaraplássini og Patrik Johannesen í álopið
Vit gita: (3-4-3)
Gunnar Nielsen
Odmar Færø, Atli Gregersen, Rógvi Baldvinsson
Jónas Tór Næs, René Shaki Joensen (ivasmur vegna skaða), Róaldur Jakobsen, Viljormur Davidsen
Sølvi Vatnhamar, Gilli Róaltsson
Jóan Símun Edmundsson
