Tað verður sera áhugavert at hoyra, hvat framsøgufólkini hjá flokkunum hava at siga til hetta uppskot, sum er rættilig prinsippielt.
Uppskotið hjá Rigmor Dam er í tveimum. Eitt lógaruppskot um koyripengarnar hjá landsstýrisfólki – og eitt uppskot til samtyktar um koyripengarnar hjá tingfólki.
Uppskotini skuldu viðgerast á tingfundinum síðsta hósdag, men tey vórðu útsett – hóast pedagogar í verkfallið høvdu gjørt seg út at fara á tingfund.
Vit kunnu so bara vóna, at løgtingsformaðurin ikki enn einaferð útsetir fundin, sum skal vera í morgin, tí tað hevði verið áhguvert at hoyrt, hvat tingfólk siga um hesa út av lagi órímuligu framíhjárættindini, sum politikararnir hava játtað sær sjálvum, samstundis, sum landi stendur í andaleypi av verkfalsstríðinum hjá pedagogum.
Vit kunnu bara vóna, at øll í samhugaverkfalli møta upp í løgtinginum at hoyra, um politikarar halda seg vera so nógv meira verd enn vanliligi løntakarin, at gomlu kommunistarnir í Russlandi og gomlu knarkarnir í Kina høvdu rodnað av skomm...
