Týska stórliðið, Bayern München hevur vunnið seg víðari til áttandapartsfinalurnar í HM-endaspælinum fyri felagslið.
Tað var endiliga útselt á Hard Rock leikvøllinum í Miami, tá Bayern í innleiðandi bólki C vann 2-1 á argentinska stórliðnum, Boca Juniors. Harry Kane sum ikki megnaði at skjóta mál móti nýsælandska amatørliðnum, Auckland City legði Bayern á odda 1-0.
Bayern München-Boca Juniors 2-1 (1-0)
1-0 Harry Kane ('18 )
1-1 Miguel Merentiel ('66 )
2-1 Michael Olise ('84 )
Auckland megnaði hesaferð at halda málið reint líka til yvirtíðina av fyrra hálvleiki í dystinum móti Benfica á Inter & Co leikvøllinum í Miami. Benfica legði seg á odda 1-0, og í seinna hálvleiki skutu teir fimm mál aftrat.
Benfica-Auckland City 6-0 (1-0)
1-0 Angel Di Maria, br. ('45 )
2-0 Vangelis Pavlidis ('53 )
3-0 Renato Sanches ('63 )
4-0 Leandro Barreiro ('76 )
5-0 Leandro Barreiro ('79 )
6-0 Angel Di Maria, br. ('90 )
Bayern hevur seks stig, og Benfica hevur fýra stig. Boca Juniors hevur eitt stig og Auckland hevur einki stig. Auckland hevur latið 16 mál inn í tveimum dystum.
Týskvøldið klokkan 20 vera dystirnir hesir Benfica-Bayern og Auckland-Boca Juniors. Tá fer Boca Juniors eftir at skjóta nógv mál móti Auckland, og samstundis vóna, at Bayern vinnur á Benfica.
HER ber til at síggja hæddarpunktini frá dystinum millum Bayern München og Boca Juniors:
##med2##
