TRÝST á PÍLIN á MYNDINI, og síggj hæddarpunktini frá play off dystinum millum OB og Silkeborg í donsku superliguni. Dysturin var spældur í Odense ígjár.
Jóan Símun Edmundsson byrjaði inni, tá lið hansara OB vann 3-1 á Silkeborg í tí fyrra av tveimum play off dystum um at sleppa at spæla um sjeynda plássið, sum gevur rætt til at spæla ein play off dyst um at sleppa í Europa League.
Jóan Símun Edmundsson var skiftur út tá 66 minuttir vóru farnir av dystinum. Á videobrotinum sæst ein stórur málmøguleiki Jóan Símun hevði í fyrra hálvleiki. Mathias Greve og Anders K. Jacobsen komu inn fyri Jens Jakob Thomasen og Jóan Simun Edmundsson tá støðan var 1-1, og tað hjálpti hjá heimaliðnum. Mathias Greve legði OB á odda 2-1 stutt aftaná hann var komin á vøllin, og løtu seinni staðfesti Rasmus Festersen sigurin fyri OB.
3-1 sigurin merkir, at OB hevur eitt gott útgangsstøðið til returdystin, sum verður í Silkeborg komandi týskvøld. Vinnur Silkeborg 2-0, so koma teir víðari til play off dystirnar um sjeynda plássið uppá fleiri mál á útivølli. Vinnur Silkeborg hinvegin 4-2, so kemur OB víðari uppá fleiri mál á útivølli.
OB - Silkeborg IF 3-1 (1-1)
18. min. 1-0 Rasmus Jönsson
34. min. 1-1 Nicklas Helenius
68. min. 2-1 Mathias Greve
76. min. 3-1 Rasmus Festersen
Í hinum play off dystinum vann Randers FC fyrradagin 2-0 á AaB í Ålborg, og hevur felagið hjá Brandi H. Olsen sostatt eitt gott útgangsstøðið til returdystin, sum verður í Randers mánakvøldið.
