Seinnapartin vann Mikkjal K. Thomassen triðja dystin á rað í bestu svensku fótbóltsdeildini við AIK Stockholm.
Í dag vann Mikkjal sum venjari hjá AIK mest prestisjutunga dystin higartil í bestu svensku deildini við 2-0 útisigri á lokala arvafíggindanum, Djurgården á Tele 2 leikvøllinum.
Við góðum langskotsmálum syrgdu Bersant Calina seks minuttir undan steðginum, og Rui Modesto í 63. minutti fyri sigrinum hjá AIK.
Aftaná 1-0 málið og feiringina hjá AIK leikarunum bleiv rok, har bæði hjálparvenjarin hjá AIK, Henok Goitom og venjarin hjá Djurgården, Kim Bergstrand fingu reyða kortið í øllum rokinum.
Móti endanum bleiv dysturin aftur avbrotin tá fýrverk var skotið inn á vøllin. Men tað endaði lukkuligt hjá Mikkjali og hansara monnum við 2-0 sigri.
AIK er nú nummar átta í deildini við 29 stigum. Seks stig eru upp til Hammarby á øðrum plássinum, so tað gongur rætta vegin hjá AIK nú.
26.225 áskoðarar vóru til dystin á Tele 2 leikvøllinum í Stokkhólmi.
HER ber til at síggja málini og rokið sum var undir dystinum Djurgården-AIK 0-2 (0-1):
##med2##
Komandi mikudag klokkan 17.30 spælir AIK á útivølli dyst í svensku steypakappingini móti Kubikenborg úr fjórðbestu deildini.
Komandi sunnudag klokkan 15.30 er aftur lokaluppgerð í bestu deildini. Tá tekur AIK móti Brommapojkarna á heimavølli.
##med3##
