Viljormur Davidsen spældi 89 minuttir av dystinum tá lið hansara, Helsingborg frammanfyri 14.500 áskoðarum á olympiska leikvøllinum í Stokkhólmi spældi javnleik 2-2 móti Djurgården.
Í tíðini dómarin hevði lagt aftrat, aftaná Viljormur var farin av vøllinum javnaði Djurgården til 2-2, og sostatt glapp sigurin úr hondunum hjá Helsingborg.
Helsingborg fekk annars eina dreymabyrjan uppá dystin. Tá 21 minuttir vóru farnir av fyrra hálvleiki hevði Taha Ali við tveimum málum lagt Helsingborg á odda 2-0.
Tá 32 minuttir vóru farnir av fyrra hálvleiki var Viljormur so óheppin at beina bóltin í egið mál.
Komandi mánakvøld hevur Helsingborg heimadyst móti Norrköping.
Helsingborg liggur fjórðaftast í deildini við fimm stigum. Tó hevur Helsingborg fingið stig seinastu tríggjar dystirnar.
HER ber til at síggja hæddarpunktini frá dystinum í Stokkhólmi í kvøld
##med2##