Lagt var upp til tann stóra spenningin tá VÍF í seinnu hálvfinaluni í Faxe Kondi kappingini hjá monnum tók móti Kyndli í høllini í Vestmanna fyrr í kvøld.
Fyrra hálvfinalan endaði við teprum 25-24 sigri til VÍF.
Í steðginum í seinnu hálvfinaluni í Vestmanna var støðan javnleikur 16-16, og harvið samanlagt 41-40 til VÍF.
Tá 42 minuttir vóru leiktir var VÍF á odda 22-18 - samanlagt 47-42 - og teir vóru á odda restina av dystinum. Kyndil kom upp á 28-30 - samanlagt 52-55 - men nærri komu kyndilsmenn ikki.
VÍF vann dystin 32-28, og sostatt ein samlaðan 57-52 hálvfinalusigur.
VÍF er í fyrstu Faxe Kondi finaluni hjá monnum síðani 2015. Í 2015 vann VÍF 26-25 á Neistanum í finaluni.
Kristian Jensen var toppskjútti hjá VÍF við sjey málum. Tobias Thisen var toppskjútti hjá Kyndli við 11 málum.
Í annaðkvøld klokkan 18.30 spæla KÍF og Neistin seinnu hálvfinaluna í høllini í Kollafirði. KÍF vann 20-19 í fyrru hálvfinaluni.
HER ber til at síggja dómaraseðilin hjá HSF frá seinnu hálvfinaluni í Vestmanna:
##med2##