Tað sigur hon í samrøðu við Sosialin hesaferð:
Leygarkvøldið vann Sissal (Jóhanna Norðberg Niclasen) danska melodi grand prixið við sanginum “Hallucination”. Tað vil siga, at hon skal umboða Danmark í evropeisku sangkappingini Eurovision, sum verður í mai mánað.
Tað var ein ovurfegin Sissal, sum vit sóu á skerminum, tá vertirnir avdúkaðu vinnaran.
– Eg havi tað so vanvittigt beint nu, segði hon og takkaði øllum sínum kæru.
Vit hava fingið orðið á føroysku grandprix stjørnuna nú nakrar dagar aftaná stóra brakið.
Hvussu fert tú at minnast aftur á leygarkvøldið?
– Eg fari at minnast aftur á leygarkvøldið sum ein av stuttligastu upplivingunum í mínum lívi. Tað er ikki bara leygarkvøldið. Eisini bara øll processin upp til. Eg havi havt úr at gera, og tað hevur verið ræðuliga spennandi, sigur hon í samrøðu við Sosialin.
– Hetta er jú nakað, teir flestu tónleikararnir ynskja sær í sínum lívi. At standa framman fyri einari stórari fjøld og syngja, og at onnur lofta tínum tónleiki og lurta, sigur hon.
Lesið meira í Sosialinum, sum fæst í leysasølu kring landið, og sum haldarar kunnu lesa á sos.fo
