Føroyingur professari í Keypmannahavn Føroyingur professari í Keypmannahavn

Seinnapartin í morgin verður vestmenningurin Bergfinnur Durhuus tilnevndur professari í matematikk við lærda háskúlan í Keypmannahavn Bergfinnur Durhuus, sum er 58 ára gamal, tók studentsprógv í Hoydølum í 1970. Hann var cand. scient. frá lærda háskúlanum í Keypmannahavn í 1976. Sum stipendiatur arbeiddi hann eitt skifti á lærdum háskúlum í Fraklandi. Seinni arbeiddi hann á ein stovni undir Niels Bohr-stovninum, til hann í 1984 varð settur sum adjunktur við sjálvt lærda háskíulan í Keypmannahavn. Í 1988 gjørdist hann lektorur og nú professari. Hátíðarhaldið í morgin verður klokkan 14.45 á H. C.Ørsteds-stovninum. Bergfinnur Durhuus er fyrsti føroyski professarin í Keypmannahavn síðani Christian Matras.