Seinnu árini hevur liðið hjá Tróndi Mikkelsen, Kristiansand rokkið Final Four í norsku steypakappingini.

Tað fer ikki at henda í ár.

Í dag spældu Tróndur og liðfelagarnir í Kristiansand áttandapartsfinalu í steypakappingini móti Nærbø á útivølli.

Nærbø vann áttandapartsfinaluna 27-23. Í steðginum var heimaliðið á odda 14-11.

Tróndur skoraði eitt mál í dystinum.

Tróndur og liðfelagarnir kunnu nú hugsavna seg um kappingina í bestu norsku hondbóltsdeildini.

Komandi mikudag hevur Kristiansand heimadyst móti Halden.