Talan er um fyrsta heila tingárið hjá sitandi samgongu. Tingárið byrjar á ólavsøku, og gamalt var, at tingið fór heim flaggdagin 25. apríl. Tað er tó broytt seinnu árini til logri úti í maimánaði.
Tað var annars ætlanin, at tingið longu skuldi verið farið heim, men eitt mál liggur eftir, tað er »uppskot til løgtingslóg um broyting í løgtingslóg um framleiðslu, flutning og veiting av ravmagni«, elveitingarlógin, sum er um framleiðslu og søla av el og fjarhita.
Hetta málið var ikki avgreitt í rættarnevndini, tí var tað eftir uppskoti frá Eyðgunn Samuelsen úr Javnaðarflokkin atkvøtt úr nevnd uttan nevndarviðgerð. Tað er ein møguleiki, sum Løgtingið hevur.
Hesum hevur andstøðan funnist at.
Talan er annars um 69. tingfundin í hesum tingárinum, og tann. Tingárið varar annars til á ólavsøku, tá nýtt tingár byrjar. Skuldi verið neyðugt at kalla tingið saman, so verður tað gjørt, og so verða fleiri tingfundir. Men tað verður bara gjørt í serligum førum, sum til dømis í eini verkfalsstøðu, skuldi tað verið neyðugt.
69 er lagsta tal av tingfundum í mong ár. Taka vit seinastu 10 árini, so hevur talið av tingfundum ligið millum 77 og 100.
So nógvir tingfundir hava verið seinastu 10 árini
2023: 69 tingfundir
2022: 79 tingfundir
2021: 83 tingfundir
2020: 94 tingfundir
2019: 100 tingfundir
2018: 79 tingfundir
2017: 77 tingfundir
2016: 80 tingfundir
2015: 77 tingfundir
2014: 89 tingfundir