Í heyst bjóðar Listastovan til eina fjølbroytta heystskrá, har tónleikur, sjónleikur og vísindi skifta um at fylla salin.

Á tónleikssíðuni er nógv at gleða seg til, og breidd er lyklaorðið. Norðurlendskur jazzur og bleytfølin fólkatónleikur møtast, groovie funk úr 1960- og 70-árunum, og somuleiðis fáa áhoyrararnir konsertir í eini meira akustiskari og popp framførslu. Eisini verður ein dupultkonsert, har heimligur og útlendskur tónleikur møtast — rokkur, folk og indie smelta saman.

Á leiklistarsíðuni eru tveir sjónleikir á skránni: ein ævintýrlig og familjuvinalig tulking av Shakespeares King Lear, og ein einkonuleikur, sum manar fram søguna um ein av teimum seinastu gandakellingunum í Føroyum.

Fyri tey, ið eru forvitin um vísindi, stroymar Listastovan í heyst fýra fyrilestrar í náttúruvísind beinleiðis frá Aarhus Universitet — um alt frá hvalum og kaffi til skamtateldur og tara.

Øll tiltøkini liggja á Facebook-síðuni hjá Listastovuni. Konsertirnar og sjónleikirnir eisini á atgongumerki.fo. Fyrilestrarnir eru ókeypis og tørva ikki tilmelding.