Høvuðsorsøkin er at avlopið veksur, er at sølan økist alsamt, samstundis sum at raksturin verður alsamt skilbøttur
– Vit kunnu staðfesta eina framgongd í ferðaseðlasøluni á umleið trý prosent. Samstundis eru prísirnir lækkaðir níggju prosent í meðal, sigur Rúni V. Poulsen, stjóri á Smyril Line.
Sostatt flutti Norrøna 13 prosent fleiri ferðafólk í fjør, enn í 2012
– Økta talið av ferðandi viðførdi hægri sølu umborð á Norrønu. Alt í alt er sølan til hvørt ferðafólk hækkað umleið trý prosent, so tilsamans er sølan umborð hækkað 16 prosent, sigur Smyril Line í tíðindaskrivi í morgun.
Smyril Line sigur eisini, at nøgdsemiskanningar vísa, at ferðafólk halda, at tænastustøðið er hækkað umborð og tey siga, at nú liggur felagið í eini tryggari legu
Í nevndini í Smyril Line eru Jens Meinhard Rasmussen, nevndarformaður, umframt Linda Björk Gunnlaugsdottir, Hendrik Egholm og Arne Joensen, sum er nývaldur á aðalfundinum hesa ferð.
