Evropeiski Mannarættindadómstólurin hevur nú gjørt av, at Bretland kann lata amerikonsku myndugleikunum fimm menn, sum eru undir illgruna fyri yvirgangsvirksemi. Millum teir fimm er tann kendi Abu Hamza al-Masri (myndin).
Verjarnir hjá teimum fimm bóðu dómstólin endurskoða avgerðina, men í gjár kunngjørdi dómstólurin, at tað fer hann ikki at gera. Tí bendir alt nú á, at teir fimm menninir verða sendir til USA í næstum, hóast verjar teirra halda uppá, at mannarættindini hjá monnunum verða ikki vird í USA.
Abu Hamza, sum misti aðra hondina og annað eygað í Afghanistan, misti sín bretska ríkisborgararætt í 2003, tá hann bleiv skuldsettur fyri at styðja yvirgang. Sjálvur hevur hann alla tíðina avsannað, at hann hevur havt nakað bei9nleiðis samband við al-Qaeda.
