Maðurin varð funnin nærhendis frítíðarbýnum Coffs Harbour, sum liggur umleið 500 kilometrar norðan fyri stórbýin Sydney.
Tilsamans hava fýra fólk latið lív í flóðalduni, sum er komin eftir nógvar dagar við nógvum regni.
Avstralska løgreglan leitar eisini framvegis eftir einum persóni, sum hevur verið saknaður, síðan vatnflóðin byrjaði fyrr í vikuni.
Stóru vatnmongdirnar hava elvt til, at 50.000 fólk eru avskorin frá umheiminum í dag. Myndugleikarnir hava sett arbeiðið í gongd fyri at tryggja, at grundleggjandi veitingar kunnu koma.
Ritzau/Reuters
