Løgreglan handtók og skuldsetti í gjár tveir persónar fyri ólógligt arbeiði í Føroyum innan ferðavinnu. Í báðum førum var talan um útlendingar, sum høvdu okkurt virksemi í Føroyum, sum teir fingu løn fyri. Í báðum førum fingu teir bót, vórðu útvístir og fingu innferðarforboð at koma aftur til Føroyar.
Vaktleiðarin á politistøðini sigur, at løgreglan hvønn dag fær einar 12-15 fráboðanir, har fólk senda myndir ella teldupostar, tí tey hava illgruna um onkran útlending, sum arbeiðir ólógliga innan ferðavinnu.
Vaktleiðarin sigur, at hetta fyllir sera nógv hjá løgregluni í hesum døgum.
