Aftaná níggju sigrar og ein javnleik í 10 dystum í bestu svensku fótbóltsdeildini steðgaði sigursrøðin hjá AIK Stockholm, ið hevur Mikkjal K. Thomassen sum høvuðsvenjara.
Mikkjal og hansara leikarar tóku tíðliga seinnapartin móti BK Häcken á heimavølli á Strawberry Arena leikvøllinum.
Tað endaði við 2-0 sigri til BK Häcken, hóast AIK hevði fleiri royndir innanfyri málrammurnar.
Häcken skoraði bæði málini í seinna hálvleiki.
Ósigurin førdi við sær, at AIK datt niður á fjórða plássið, ið ikki gevur atgongd til Conference League undankappingina komandi summar.
AIK hevur 45 stig á fjórða plássinum. Teir eru tvey stig aftanfyri lokalu arvafíggindarnar, Djurgården og Hammarby.
AIK hevur fýra dystir eftir at leika í Allsvenskuni. Komandi uppgávan verður á Gamla Ullevi leikvøllinum í Göteborg, sunnudagin 21. oktober, tá gamla stórliðið, IFK Göteborg tekur ímóti Mikkjali og hansara monnum.
