Serligi sendimaðurin hjá USA, Keith Kellogg, sigur, at russiska álopið á Kyiv síðstu nátt hóttir royndirnar hjá amerikanska forsetanum at fáa frið í lag í Ukraina.
Russiska álopið á ukrainska høvuðsstaðin í nátt beindi fyri í minsta lagi 18 ósekum fólkum, og 48 vórðu særd, sambært ukrainskum myndugleikum.
Sendimaðurin finst harðliga at Russlandi fyri álopið, har eisini børn lótu lív.
- Hesi skakandi álop hótta friðin, sum amerikanski forsetin roynir at fáa í lag, skrivar Keith Kellogg á X, fyrrverandi Twitter í dag.
Serligi sendimaðurin vísir á, at russisku álopini í nátt eisini raktu skrivstovu, sum ES og Bretland hava í Kyiv.
