António Guterres, sum hevur verið ST-aðalskrivari síðan 2017, sleppur ikki til Ísraels.
Tað sigur uttanríkisráðharri í Ísrael, Israel Katz.
Uttanríkisráðharrin sigur, at grundarlagið undir avgerðini er, at ST-aðalskrivarin ikki er komin við nakrari greiðari fordøming av iranska stórálopinum á Ísrael týskvøldið.
Boðini úr Ísrael koma samstundis, sum Ísrael er í kríggi móti bæði Hamas í Gazageiranum, Hizbollah í Libanon og nú eisini móti Iran.
- Ísrael hevur leingi funnist at ST-skipanini - serliga ST-hjálparfelagsskapinum fyri palestinsk flóttafólk, veit tíðindastovan NTB at siga í dag.
