- Nú verkfallið er av, verður arbeiðið at nútímansgera Stangavegin í Klaksvík tikið uppaftur.
Tað siga tey í Klaksvíkar kommunu í dag. Hetta merkir, siga tey, at ferðsluforðingarnar eisini eru settar uppaftur.
Arbeiðið, sum byrjaði fyrst í mai, hevur nú ligið stilt í eina tíð í samband við verkfallið, sum varð avblást í gjár.
Í Klaksvík siga tey, at Stangavegurin verður reguleraður, vegristir skulu staðsetast, tekniskar leiðingar og kantar skulu leggjast.
- At enda skulu vegbreytin og gongubreytin asfalterast.
Sagt verður, at meðan arbeiðið verður framt, verður ferðslan skipað einvegis suður eftir - í ovaru síðu á vegnum.
- Ferðslan norður eftir verður beind til Heygaveg/ Garðaveg, siga tey í Klaksvíkar kommunu í dag.