Klokkan 15 verður fyrsta bríksl á Tórsvølli, har B36 hevur vitjan av 07 Vestur.
Hesi bæði liðini hittust á Dungasandi í Sørvági í fyrsta umfari, sum var 7. mars. Tá vann B36 2-0. Bjarki C. Nielsen skoraði í sínum fyrsta dysti fyri B36 ein minutt undan steðginum, og Martin Agnarsson økti til 2-0 miðskeiðis í seinna hálvleiki.
Sum tað varð nevnt í gjárkvøldið, so eru tveir B36 spælarar ikki tøkir, tí teir eru í sóttarhaldi av koronu. Teir eru Lars Enevoldsen og Mathias Thrane.
Tað er merkisvert, at leikaralistin hjá B36 er stuttur í dag. Bara fimm spælarar eru á beinkinum heldur enn teir sjey, sum plaga at vera. Millum teir fyrstu ellivu er Brian Jakobsen, sum ikki hevur spælt so nógv, tí hann er skaðadarvaður. Yngsti maður á listanum er Marius Árting Allansson, sum er føddur 27. februar 2005, og hinir á beinkinum eru umframt eykamálverjan Símun Rógva Hansen Jóhann Hansson Joensen, Hugin Samuelsen og Mattias Weihe Joensen.
Hjá 07 Vestur er Tór-Ingar Akselsen fyri fyrstu ferð á listanum síðani á summarmála, tá ið 07 Vestur vann 4-2 í Trongisvági. Tá noyddist hann av vøllinum, tí hann var skaddur í økslini.
