Á fíggjarætlanini fyri 2026 samtykti býráðið at byrja arbeiðið at dagføra og betra um ljóðviðurskiftini á teimum trimum dagstovnunum í kommununi.
- Í samskifti við stovnsleiðarar hevur umsitingin í kommununi raðfest tey mest útsettu rúmini á øllum trimum dagstovnunum fyrst.
Soleiðis siga tey í Sunda kommunu í dag.
- Arbeiðið varð væl tilrættalagt og framt í summarfrítíðini á øllum trimum dagstovnunum, verður lagt aftrat.
Tað var Sp/f Bogi Hermansen, sum stóð fyri arbeiðnum.
- Sostatt hava allir tríggir dagstovnarnir í kommununi nú fingið betrað ljóðviðurskiftir.
##med2##
Í Sunda kommunu vísa tey á, at betri ljóðviðurskiftir á dagstovnunum er ein týdningarmikil raðfesting í at betra um arbeiðsumstøðurnar hjá starvsfólkunum.
- Hetta økir um trivnaðin og skapar eisini betri umstøður fyri børnini inni á stovnunum.
Í kommununi siga tey, at ætlanin er framhaldandi at raðfesta og betra um ljóðviðurskiftini inni á teimum trimum dagstovnunum so líðandi.
##med3##
