USA væl á veg við átakinum at koppseta fólkið ímóti koronuvirus.
Og í morgin fer Joe Biden, forseti, at boða frá nýggju koppsetingarmálum fyri USA.
Tað upplýsa Hvítu Húsini í dag. Forsetin fer sjálvur at leggja fram tiltøkini seinni í dag.
Nýggju málini miða eftir, at 70 prosent av vaksna fólkinum skal hava fingið í minsta lagið eitt koppsetingarprik 4. juli. Tað er landsins óheftnisdagur – independence day.
Sama dag skulu minst 160 milliónir vaksin vera liðugtkoppsett. Tað svarar til slaka helvt av landsins fólkatali upp á umleið 331 milliónir íbúgvar.
Í síðstu viku vóru umleið 30,5 prosent av fólkinum – ella umleið 101 milliónir – liðugt koppsett.
– Um vit gera framstig móti hesum máli, fara fleiri og fleiri amerikanarar at fáa verju ímóti covid-19. Og Amerika hevur tikið eitt stórt stig ímóti at venda aftur til tað normala, sigur ein embætismaður við tíðindafólk.
/ritzau/Reuters
