Millum teir nógvu spurningarnar, sum skulu svarast á tingi í morign, er ein frá Poul Michelsen til Bjørn Kalsø, landsstýrismann í mentamálum, um Marknagilsdepilin.
Poul Michelsen setur fram hesar spurningar:
1. Nær verður skúlin boðin út eftir avtalaða leistinum. ?
2. Nær stendur skúlin liðugur ?
3. Verður politiski fylgibólkur partur av tilgongdini ?
Í viðmerkinum til fyrispurningin, sigur Poul Michelsen, at beint áðrenn løgtingsvalið varð útskrivað varð klárt at bjóða Marknagilsdepilin út í størri byggipørtum (ikki heildarenterprisu, men í størri fakenterprisum).
Hesin útbjóðingarháttur varð funnin í samráð við føroysku byggivinnuna. Semja var í politiska fylgibólkinum umboðandi allar flokkar, at ætlanin skuldi bjóðast út sum skjótast. Útbjóðingarlýsingin var gjørd og klár at seta í bløðini, men orsakað av valinum slapp landsstýriskvinnan Helena Dam á Nestabø ikki at bjóða arbeiðið út, sigur Poul Michelsen.
Hall heldur tað vera av alstórum týdningi, at lagda tíðarætlanin fyri verkætlanina, Marknagilsdepilin verður fylgd, havandi fleiri atlit í huga:
1. Tað er ovurhonds stórur tørvur er á skúlanum.
2. Byggiætlanin hevur alstóran týdning fyri byggivinnuna og fyri virksemi í samfelagnum sum heild.
3. Rætt er at seta verkætlanir í gongd nú samfelagið er í einum lágkonjukturi størri kapping og væntandi lægri prísir.
4. Avtalur um projektering er gjørdar.
5. Tað eru brúkt væl av peningi til verkætlanina longu nú projektering og annað kanningararbeiði er gjørt.
6. Drál við útbjóðingini kann bara dýrka byggikostnaðin.
