Brasil hevur vunnið flest HM heiti

Spania vann í gjárkvøldið 1-0 á Argentina í finaluni um heimsmeistaraheiti hjá monnum, sum var í New Jersey í USA.

HM í fótbólti varð skipað á fyrsta sinni í 1930 eftir hugskoti frá frakmanninum Jules Rimet, sum tá var forseti í FIFA.

Frammanundan var olympiska fótbóltskappingin størsta altjóða kappingin, men FIFA vildi hava eina sjálvstøðuga heimsmeistarakapping fyri fremstu landsliðini.

Uruguay fekk heiðurin at vera vertstjóð fyri fyrsta HM. Landið hevði vunnið olympiskt gull í 1924 og 1928 og helt samstundis 100 ára dagin fyri sjálvstýri. Uruguay lovaði eisini at gjalda ferðakostnaðin hjá luttakandi liðunum.

Bara 13 lond luttóku í fyrsta HM-endaspælinum. Sjey vóru úr Suðuramerika, fýra úr Evropa og tvey úr Norðuramerika.

Fyrsta HM-finalan varð spæld 30. juli 1930, har Uruguay vann 4–2 á Argentina framman fyri umleið 68.000 áskoðarum í Montevideo og gjørdist fyrsti heimsmeistarin í fótbólti.

Síðani hevur HM verið hildið fjórða hvørt ár, uttan í 1942 og 1946, tá kappingin varð avlýst vegna seinna heimsbardaga.

Her er yvirlit yvir allar HM-vinnararnar í fótbólti hjá monnum:

Flest HM-heiti

Tølini fyri Týskland fevna um Vesturtýskland (1954, 1974 og 1990) og sameinda Týskland (2014).

Áhugavert:

• Brasil er einasta landið, sum hevur luttikið í øllum HM-endaspølum.
• Spania hevur nú vunnið HM tvær ferðir – í 2010 og 2026.
• Argentina hevði møguleika at verja HM-heitið í 2026, men tapti finaluna 0-1 fyri Spania.
• Ongland hevur framvegis bara vunnið HM einaferð – á heimavølli í 1966.