Tað er tjóðardagur í Ukraina í dag, og tað eru fleiri lond, sum hava ynskt landinum og forseta landsins tillukku á degnum.
Millum leiðarar og umboð fyri lond, sum hava ynskt forsetanum, Volodymyr Zelenskyj, tillukku, eru eitt nú amerikanski forsetin, Donald Trump, bretski Charles-kongur og kinesiski forsetin, Xi Jinping.
Hetta vita fleiri tíðindastovur at siga í dag.
- Eg hávirði mótið hjá ukrainska fólkinum, og eg vóni, at okkara land hann halda fram við samstarvinum at fáa í lag ein varandi og rættvísan frið í Ukraina, sigur bretski kongurin í brævi til ukrainska forsetan.
Kanadiski forsætisráðharrin, Mark Carney, er í Kyiv í dag í samband við ukrainska tjóðardagin.
Tað var hin 24. august í 1991, at Ukraina lýsti seg sum sjálvstøðugt land - nakrar mánaðir fyri, at Sovjetsamveldið datt sundur.
- Um 100 ár fara vit framvegis at hátíðarhalda Ukraina um sjálvstøðugt land, sigur ukrainski forsetin, Volodymyr Zelenskyj, í einari røðu til ukrainska fólkið.
