Spenningurin var stórur á Old Trafford, har sjeyndi og seinasti av dagsins dystum í Premier League var á skránni.
Undan steðginum legði Arshavin Arsenal á odda við einum framúr máli, men tað eydnaðist tó Manchester United at venda dystinum. Rooney skoraði upp á brotsspark til 1-1, og so átti Abou Diaby leiklutin sum óhepna hetjan, tá hann gjørdi sjálvmál.
Á Reebook stadion var Bolton tvær ferðir á odda móti Liverpool, men við einum máli frá Steven Gerrard seint í dystinum eydnaðist kortini Liverpool at taka øll stigini.
Oddalið eru tó framvegis Chelsea og Tottenham, sum bæði vunnu sínar dystir í dag.
Úrslitini í Premier League
Chelsea-Burnley 3-0
Tottenham-Birmingham 2-1
Blackburn-West Ham 0-0
Bolton-Liverpool 2-3
Stoke-Sunderland 1-0
Wolves-Hull 1-1
Manchester Utd.-Arsenal 2-1
