Tað gongur heilt væl hjá Claus Bech Jørgensen í enska felagnum Blackpool, sum spælir í næstbestu deildini. Í farnu viku spældi Blackpool á heimavølli ímóti Sheffield Wednesday, og Blackpool vann 2-1. Longu eftir seks minuttir skoraði Claus Bech Jørgensen fyri Blackpool. Wednesday svaraði aftur nakrar minuttir seinni, og tá ið ein hálvur tími var spældur, gjørdi fyrrverandi skotski landsliðsspælarin Paul Dickov sigursmálið fyri Blackpool.
