Leygardagin 29. august skipar Djóraverndarfelagið fyri Djóraløtu í Skótahúsunum við Havnará.
Har fáa fólk møguleika at nýta høvið at hitta djórini, ið felagið hevur í varðveitslu, og at hugna sær við kaffi, køkum og tónleiki frá Una Debes.
Í løtuni hevur Djóraverndarfelagið hundar, kettur og marsvín. Høvið verður at gera nærri avtalu um ættleiðing av djórum. Fólk kunnu eisini tekna seg sum limir í felagnum.
Djóraløtan byrjar klokkan 15 og endar klokkan 18.
