Tað hevur ikki verið tað heilt stóra at gera hjá løgreguni seinasta samdøgrið. Tó so, so fekk løgreglan um midnáttarleitið eina fráboðan um, at tónleikurin var alt ov hart frá í einum húsum í høvuðsstaðnum. Løgreglan fór á staðið og bað fólkini um at dempa tónleiki, og teimum boðunum eftirlíkaðu tey.
Og tá klokkan var farin um trý í nátt var aftur ein fráboðan um harðan tónleika. Hesaferð var tað í Blábarr í Havn. Løgreglan fór á staðið og í samráð við eigarain varð tónleikurin sløktur, og so var ikki meira gjørt við tað.
Klokkan 6 í morgun var løgreglan í hóslag við ein persón í býnum. Men tá løgreglan vildi hvør hann var, vildi maðurin ikki siga navnið. Og tað merkir, at tú verður handtikin. Og tað var hann so. Hann var settur í brummununa, har hann hevur sitið til fyri eini løtu síðani, tá hann er blotnaður og hevur sagt navnið.
– Tað er tann býttast orsøkin, tú kanst verða handtikin fyri, ikki at vilja siga navnið, sigur vaktleiðarin á politistøðini.
– Tí tað merkir, at tú verður handtikin og fært eina bót upp á 1.000, og tað er for tápuligt, heldur vaktleiðarin, sum annars vísir á, at tað hevur verið eitt friðarligt samdøgur hjá løgregluni.
