Trý føroyingalið í bestu kvinnudeildini í Danmark hava verið í leiki.
Landsliðsmálverjin, Rakul Wardum og liðfelagarnir í Ringkøbing leiktu javnleik 30-30 móti Skanderborg á útivølli. Í steðginum var støðan javnleikur 16-16.
Bjargingarprosentið hjá Rakul var 15,8, meðan kappingarneytin, Emma Friberg var niðri á 6,7 prosentum.
Jana Mittún og liðfelagarnir í Viborg taptu á heimavølli 31-34 fyri verandi meistarunum, Esbjerg.
Í steðginum var Esbjerg á odda 20-17.
Jana skoraði tvey mál og legði upp til tvey mál.
Pernille Brandenborg og liðfelagarnir í Keypmannahavn taptu tepurt 25-26 fyri Sønderjyske á heimavølli. Sønderjyske var á odda 15-11 í steðginum.
Pernille skoraði tvey mál.
Komandi mikukvøld spælir Viborg á útivølli móti Ajax. Sama kvøld tekur Ringkøbing móti Odense, og Keypmannahavn spælir á útivølli móti Horsens.
Støðan:
| Nr. | Lið: | Dystir | Stig |
| 1 | Team Esbjerg | 10 | 20 |
| 2 | Ikast | 10 | 18 |
| 3 | Odense | 9 | 14 |
| 4 | SønderjyskE | 10 | 12 |
| 5 | Viborg K | 10 | 10 |
| 6 | Aarhus United | 10 | 10 |
| 7 | NFH | 9 | 10 |
| 8 | Skanderborg | 10 | 9 |
| 9 | Ringkøbing | 10 | 9 |
| 10 | Keypmannahavn | 10 | 8 |
| 11 | Silkeborg-Voel | 9 | 6 |
| 12 | Horsens | 10 | 5 |
| 13 | Bjerringbro FH | 10 | 5 |
| 14 | Ajax | 9 | 0 |
