Fýra føroyingalið vóru í leiki í næstbestu donsku hondbóltsdeildini í dag.
Talan gjørdist um ein sigur og trý tap hjá føroyingaliðunum í dag.
Tað eydnaðist Teis Horn Rasmussen, Peter Krogh og liðfeløgunum í Aarhus HC á heimavølli at vinna ein góðan 28-26 sigur á Grindsted, ið er næstfremst í deildini. Í steðginum var Aarhus á odda 14-12.
Teis var við fimm málum næstbesti málskjúttin hjá Aarhus.
Aarhus er nummar seks í deildini við 25 stigum.
Julian J. Kragesteen og liðfelagarnir í Køge taptu á heimavølli tepurt 29-30 fyri Midtjyllandi. Í steðginum var útiliðið á odda 15-14.
Julian skoraði eitt mál.
Køge er aftast í deildini við bert seks stigum.
Leivur Mortensen, Jónas og Janus Djurhuus, og liðfelagarnir í FIF taptu á útivølli greitt 29-36 fyri Tønder. Í steðginum var Tønder á odda 16-12.
Jónas gjørdist toppskjútti hjá FIF við sjey málum. Leivur skoraði tvey mál og Janus skoraði eitt mál.
FIF er nummar átta í deildini 16 stigum.
Niklas Højgaard Hanusarson og liðfelagarnir í Skovbakken taptu á heimavølli stórt 26-37 fyri Skive. Í fyrra hálvleiki var Skovbakken væl betri við, og í steðginum var Skive bert á odda 14-12.
Niklas skoraði tvey mál.
Skovbakken er triðaftast í deildini við 10 stigum, og liggja Niklas og liðfelagarnir sostatt á einum niðurflytingarplássi. Skovbakken hevur tó bert eitt stig upp til Odder og Odense, ið bæði hava 11 stig.
