Í dag vóru trý føroyingalið í leiki í næstbestu donsku hondbóltsdeildini hjá monnum.
Einasti føroyski sigursharrin í deildini var Kjartan Johansen (myndin). Kjartan og liðfelagarnir í Vendsyssel vunnu í Park Vendia høllini í Hjørring greiðan 31-23 sigur á Give. Í steðginum var Vendsyssel á odda 14-10.
Kjartan skoraði fýra mál í dystinum.
Vendsyssel er nummar seks í deildini við 12 stigum.
Pætur Mikkjalsson, Pauli Mittún og liðfelagarnir í Team Sydhavsøerne taptu á heimavølli í Lollands Bank Arena 28-32 fyri oddaliðnum, Skive. Útiliðið var á odda 16-14 í steðginum.
Pauli skoraði fýra mál og Pætur skoraði tvey mál.
Suðuroyggjamenn eru nummar fýra í deildini við 14 stigum. Skive er fremst í deildini við 20 stigum.
Pauli Jacobsen, Jónas G. Djurhuus, Janus Dam Djurhuus, Leivur Mortensen og liðfelagarnir í HC Keypmannahavn taptu á heimavølli í Bavnehøj Arena 20-30 fyri KIF Kolding. Tað gekk frægari hjá føroyingaliðnum í fyrra hálvleiki, og í steðginum var KIF Kolding bert á odda við tveimum málum, 14-12.
Leivur skoraði trý mál, og Janus og Jónas skutu eitt mál hvør.
HC Keypmannahavn er næstaftast í deildini við bert tveimum stigum.
