Spanska fótbóltssambandið hevur tikið ein umstríddað avgerð og flutt stórsteypa dystin til Saudiarabia. Hartil er stórsteypadysturin gjørdur til ein sokallaða mini-kapping, har fýra lið luttka. Tað ger, at talan verður um tríggjar dystir.
Real Madrid vann í innleiðandi dystinum á Valencia eftir brotssparkskapping. Karim Benzema legði Real Madrid á odda beint fyri hálvleik, meðan Samuel Lino javnaði fyri Valencia. Í brotssparkskappingini skoraði Real Madrid upp á øll síni, meðan Valencia brendi tvær ferðir.
Í hinum dystinum mátti FC Barcelona somu leið, sum Real Madrid. Her endaði tað við javnleiki 1-1 í vanligari leiktíð, síðani eitt mál í part í longdu leiktíðini, áðrenn farið var til brotssparkskapping. Nabil Fekir og Lorenzo García fyri Real Betis, og Robert Lewandowski og Ansu Fati fyri FC Barcelona.
Í brotssparkskappingini brendi Real Betis eins og Valencia tvær ferðir. Tí verður tað ein Supercopa de España finala millum Real Madrid og FC Barcelona í Saudiarabia. Eftir tvey vánalig ár, er FC Barcelona við aftur í meistarastríðnum og tí hevur dysturin kanska eitt sindur størri týdning, enn bara ein stórsteypafinala.
Supercopa de España finala:
Sunnudagin klokkan 19
Real Madrid – FC Barcelona